Via Afrika Sepedi Leleme la Gae Padi: Leratorato
R172.90
Ga se ka mehla mo lerato e lego mpeto wa dirosa. Ka nako dingwe le hlaba go feta le mootlwa wa sephatho. Leratorato ke makhura a lefehlo le swana le senkgiša bose sa theko ya godimo. Ge o hwediše leratorato o swana le motho yo a topilego šoolo. Ga go bonolo go le hwetša, ba bantši ba lapile tseleng ka ge leeto la go hwetša leratorato e le le le teleletelele, bangwe ba bile ba ile moletemohlaelathupa ba sešo ba le hwetša. Ge o le hweditše o swanetše go le kakarapela ka ge le ka feta bjalo ka mouwane ge letšatši le hlaba. Mo tseleng ya go nyaka leratorato go na le ditshehlo gomme go nyakega pelo ya kgotlelelo le boikgafo bja go fetelela. Le hloka go nošetšwa ka mehla le go hlokomelwa ka ge le ka fetoga leganata leo le omilego, gomme la thoma go
tšwa marwa ao a rego ge a palega go tšwe bohloko bjo bo robago pelo. Go bile bjalo le ka Sele le Mohlopi bao leeto la bona la go hwetša leratorato le tšerego mengwaga ye lesomeseswai.
Bjalo mofsa, ipshine ka bokgoni bja mongwadi bja go kgona go fediša maikutlo a pefelo ka tsela ye e edilego ye e dirago gore o dume ge nkabe puku e sa fihle mafelelong ge o e bala.
Tseba gore Mmušo wa kgatelelo ya setšo wa go swana le wa Lerothi, o ile le muši wa dikwekwele. Mmapelo o ja serati, sekgethelwa ga a se rate. Leo ke lona Leratorato.
Description
Ga se ka mehla mo lerato e lego mpeto wa dirosa. Ka nako dingwe le hlaba go feta le mootlwa wa sephatho. Leratorato ke makhura a lefehlo le swana le senkgiša bose sa theko ya godimo. Ge o hwediše leratorato o swana le motho yo a topilego šoolo. Ga go bonolo go le hwetša, ba bantši ba lapile tseleng ka ge leeto la go hwetša leratorato e le le le teleletelele, bangwe ba bile ba ile moletemohlaelathupa ba sešo ba le hwetša. Ge o le hweditše o swanetše go le kakarapela ka ge le ka feta bjalo ka mouwane ge letšatši le hlaba. Mo tseleng ya go nyaka leratorato go na le ditshehlo gomme go nyakega pelo ya kgotlelelo le boikgafo bja go fetelela. Le hloka go nošetšwa ka mehla le go hlokomelwa ka ge le ka fetoga leganata leo le omilego, gomme la thoma go tšwa marwa ao a rego ge a palega go tšwe bohloko bjo bo robago pelo. Go bile bjalo le ka Sele le Mohlopi bao leeto la bona la go hwetša leratorato le tšerego mengwaga ye lesomeseswai.
Bjalo mofsa, ipshine ka bokgoni bja mongwadi bja go kgona go fediša maikutlo a pefelo ka tsela ye e edilego ye e dirago gore o dume ge nkabe puku e sa fihle mafelelong ge o e bala.
Tseba gore Mmušo wa kgatelelo ya setšo wa go swana le wa Lerothi, o ile le muši wa dikwekwele. Mmapelo o ja serati, sekgethelwa ga a se rate. Leo ke lona Leratorato.
