Via Afrika Afrikaans Huistaal Graad 7 Novelle: Net vir die lekkers
R57.90
Hierdie novelles is geskryf om by die belangstellings en leesvlakke van leerders in Graad 7, 8 en 9 aan te pas. Die novelle vorm ‘n belangrike deel van die leeskomponent van die KABV-kurrikulum en moet aanvullend by die klasleesboek gebruik word.
Description
“Dis my spot die!” skree die seun in Keenan se gesig en stamp hom tot by die sypaadjie.
Keenan gee vinnig pad. Hy voel in sy sak. Dis genoeg geld om die sjokoladeballetjies te koop. Hy sal vir Ronnie en vir Monica met die bokkie-oë ook van dit gee. Solank niemand uitvind hoe hy die geld in die hande gekry het nie.
Die sjokolades in sy skoolsak kry hom in groot moeilikheid. Om alles te kroon, pers die skoolboelie hom af omdat hy iets gesien het wat hy nie moes nie. Moet hy die regte ding doen en die waarheid vertel? Hy kan nie. Dan sal almal weet dat hy en Ronnie geboelie word. En dit deur ’n meisiekind!
Wanneer Keenan ingeroep word kantoor toe oor geld wat weggeraak het, hou hy by sy storie – die storie net aan die veilige kant van die ware een. Kan hy dinge self regmaak voordat die hoof Ouma Nonna betrek by die hele ding? Of gaan hy maar verantwoordelikheid moet vat vir iets wat hy nie gedoen het nie? In hierdie storie vind Keenan uit dat die waarheid altyd ’n manier het om uit te kom – al loop dit met ompaaie.
